8-4-3.. This formula makes even employees millionaires! How is that..?
8-4-3.. ఈ ఫార్ములా ఉద్యోగస్థులను కూడా కోటీశ్వరులను చేస్తుంది! అది ఎలాగంటే..?
పిల్లల చదువు, ఇంటి కొనుగోలు, రిటైర్మెంట్ ప్లాన్ లాంటి కీలక అవసరాల కోసం అందరికీ డబ్బు అవసరం. నెలనెలా వచ్చే జీతంతో ఇంటి ఖర్చులే సరిపోతుంటాయి. ఆ సంపాదనతో లక్షాధికారి అవ్వడం కూడా కష్టమనే ఆలోచనలో చాలా మంది ఉంటారు.
కానీ అదే జీతంతో కోటీశ్వరులు అవ్వొచ్చు అంటే నమ్మతారు. కానీ, అది సాధ్యమే. నెలకు రూ 20,000 – రూ 30,000 జీతం ఉన్నప్పుడు, కోటి రూపాయల డ్రీమ్ అసాధ్యంగా అనిపించవచ్చు.
8-4-3 రూల్‌ను ఫాలో అయితే చాలు. ఇది మీ నెలవారీ పెట్టుబడిని 15 ఏళ్లలో రూ 1 కోటి వరకు తీసుకెళ్లే ఒక సింపుల్ ఫైనాన్షియల్ ఫార్ములా. పెద్దగా డబ్బు పెట్టాల్సిన అవసరం లేదు. కాస్త డిసిప్లిన్‌తో పాటు ఓ చిన్న SIP మొదలుపెడితే చాలు. ధనాన్ని సుదీర్ఘకాలంలో పెంచుకోవడం కొరకు మ్యూచువల్ ఫండ్స్ చాలా ప్రజాదరణ పొందాయి. SIP (సిస్టమాటిక్ ఇన్వెస్ట్మెంట్ ప్లాన్) ద్వారా నెలవారీగా కొంత మొత్తం వేయడం ద్వారా మీరు భారీగా డబ్బును సృష్టించుకోవచ్చు.
పొదుపు చేయడం ఓ కళ అయితే దాన్ని క్రమంగా పెంచుకోవడం ఓ వ్యూహం. “8-4-3 రూల్” ప్రకారం మొదటి 8 సంవత్సరాల్లో మీరు పెట్టిన డబ్బు స్థిరంగా పెరుగుతుంది. ఇది సాధారణ వృద్ధి దశ. తర్వాతి 4 సంవత్సరాల్లో కాంపౌండ్ ఇంటరెస్ట్ ప్రభావం మొదలవుతుంది అంటే డబ్బు మీద డబ్బు పెరిగే వేగం ఎక్కువవుతుంది. చివరి 3 సంవత్సరాల్లో అసలైన మాయ జరగడం మొదలవుతుంది. ‘స్నోబాల్ ఎఫెక్ట్’ వల్ల పెట్టుబడి భారీగా పెరుగుతుంది. చిన్న మొత్తాలతో మొదలైన మీరు ఈ 15 సంవత్సరాల తర్వాత కోటి రూపాయల లక్ష్యాన్ని చేరుకోవచ్చు. ఉదాహరణకు.. మీరు నెలకు రూ.21,250 వేస్తే 12 శాతం వడ్డీరేటుతో 8 సంవత్సరాల్లో పెట్టుబడి రూ.34.3 లక్షలవుతుంది.
తర్వాతి 4 సంవత్సరాల్లో అది రూ.68.5 లక్షలు అవుతుంది. ఇక చివరి 3 సంవత్సరాల్లో మొత్తం రూ.1 కోటి అవుతుంది. మొత్తానికి ఈ 8-4-3 నియమాన్ని పాటిస్తూ 15 సంవత్సరాల పాటు స్థిరంగా పెట్టుబడి పెడితే.. మీరు కోటి రూపాయలు పొందవచ్చు. ఈ నియమం సుదీర్ఘకాల పెట్టుబడికి మాత్రమే పని చేస్తుంది. కనీసం 15 సంవత్సరాలు SIP కొనసాగించాలి. మార్కెట్ హెచ్చుతగ్గులు సాధారణమే. ఒక్కోసారి మార్కెట్ పతనం గమనించినా SIP ఆపకుండా కొనసాగించాలి. ద్రవ్యోల్బణం (inflation) ప్రభావం గురించి గుర్తుంచుకోండి. నేటి లక్ష్యం అభివృద్ధి చెందే కాలానికి సరిపోదు కావచ్చు.
చివరలో మొత్తం డ్రా చేసే సమయంలో పన్ను (tax) చెల్లించాల్సిన అవసరం ఉంటుంది. మ్యూచువల్ ఫండ్స్, ఫిక్స్డ్ డిపాజిట్లు వంటి సంప్రదాయ పెట్టుబడుల కన్నా ఎక్కువ రిస్క్ కలిగినవే. కానీ రాబడి కూడా ఎక్కువగా ఉంటుంది. 8-4-3 కాంపౌండింగ్ నియమాన్ని అనుసరిస్తే, మీ పెట్టుబడి లక్ష్యాన్ని నెరవేర్చడంలో మీకు విశ్వసనీయ మార్గం లభిస్తుంది. దీర్ఘకాల సిద్ధాంతాన్ని ఆచరిస్తూ, మార్కెట్ నిశ్చలతలో కుదురుకోకుండా కొనసాగితే, మీరు కోటిపతిగా మారే అవకాశం ఉంది.