మీకు కొత్తగా పెళ్లి అయ్యిందా? తప్పక చేయాల్సిన AP Household Mapping – Member Migration After Marriage
Highlights
- మీకు కొత్తగా పెళ్లి అయ్యిందా? తప్పక చేయాల్సిన | AP Household Mapping after Marriage
-  Household Mapping అంటే ఏమిటి?
-  ఎందుకు తప్పనిసరి?
-  ఎక్కడ దరఖాస్తు చేయాలి?
-  కావలసిన డాక్యుమెంట్స్
-  పిల్లలతో కలిసి మ్యాపింగ్ మార్పు
-  ప్రాసెస్ ఎలా ఉంటుంది?
-  హౌస్ మ్యాపింగ్ చేయకపోతే వచ్చే సమస్య
-  అప్లికేషన్ ఫీజు
ఆంధ్రప్రదేశ్‌లో వివాహం పూర్తయిన తర్వాత ఒక ముఖ్యమైన ప్రక్రియ తప్పనిసరిగా చేయాలి. అదే AP Household Mapping after Marriage. ఇది చాలా మంది గుర్తించని కానీ భవిష్యత్తులో ప్రభుత్వ పథకాలపై నేరుగా ప్రభావం చూపే అంశం.
Household Mapping అంటే ఏమిటి?
ప్రభుత్వం ప్రతి కుటుంబాన్ని ఒక యూనిట్‌గా గుర్తించి అన్ని పథకాలు, సర్వీసులు అందించడానికి హౌస్ హోల్డ్ మ్యాపింగ్ చేస్తుంది. భార్య పెళ్లి తర్వాత కూడా కన్నవారి ఇంట్లోనే మ్యాపింగ్‌లో ఉంటే రేషన్, ఆరోగ్యశ్రీ, పింఛన్, ఉపాధి హామీ వంటి పథకాలలో సమస్యలు వస్తాయి. అందుకే ఆమె తప్పనిసరిగా భర్త ఇంటి మ్యాపింగ్‌లోకి మారాలి.
ఎందుకు తప్పనిసరి?
- ప్రభుత్వ పథకాల లబ్ధి– రేషన్ కార్డు, ఆరోగ్యశ్రీ, పింఛన్, ఉపాధి హామీ జాబ్ కార్డు, అన్నదాత సుఖీభవ మొదలైన పథకాలలో భార్య పేరు భర్త ఇంట్లోనే ఉండాలి.
- భవిష్యత్ సర్వేలలో కచ్చితమైన డేటా– ప్రభుత్వ సర్వేలు భర్త ఇంటి వద్దే వస్తాయి.
- వివాదాలు లేకుండా లబ్ధి పొందడం– భవిష్యత్తులో పింఛన్, పిల్లల కోసం పథకాలు పొందేటప్పుడు సమస్యలు రాకుండా ఉంటుంది.
ఎక్కడ దరఖాస్తు చేయాలి?
- భర్త ఉన్నగ్రామ/వార్డు సచివాలయంలోనే ఈ ప్రాసెస్ చేయాలి.
- గ్రామ సచివాలయంలోడిజిటల్ అసిస్టెంట్
- వార్డు సచివాలయంలోడేటా ప్రాసెసింగ్ సెక్రటరీ దరఖాస్తు స్వీకరిస్తారు.
కావలసిన డాక్యుమెంట్స్
- భార్య, భర్త ఆధార్ కార్డులు
- మ్యారేజ్ సర్టిఫికెట్ / రేషన్ కార్డు / ఆరోగ్యశ్రీ కార్డు / ఫ్యామిలీ మెంబర్ సర్టిఫికేట్
- చిరునామా ప్రూఫ్ (భర్త పాస్‌పోర్ట్ / ఓటర్ ఐడి / డ్రైవింగ్ లైసెన్స్)
- బయోమెట్రిక్ లేదా OTP ద్వారా వెరిఫికేషన్
పిల్లలతో కలిసి మ్యాపింగ్ మార్పు
ఇప్పుడు భార్య మాత్రమే కాకుండా పిల్లలతో సహా భర్త హౌస్ హోల్డ్ మ్యాపింగ్‌లోకి మారే ఆప్షన్ కూడా ఉంది. అప్లికేషన్ సమయంలో “Are You Willing To Migrate The Children?” ఆప్షన్ సిలెక్ట్ చేస్తే పిల్లలూ ఆటోమేటిక్‌గా భర్త కుటుంబానికి జత అవుతారు.
ప్రాసెస్ ఎలా ఉంటుంది?
- భార్య-భర్త ఇద్దరూ భర్త సచివాలయంలో అప్లికేషన్ ఇవ్వాలి.
- సంబంధిత అధికారిAP SRVA → GSWS → Household Migration on Marriage Grounds లో డేటా ఎంటర్ చేస్తారు.
- బయోమెట్రిక్ / OTP వెరిఫికేషన్ తర్వాత ఫైల్పంచాయతీ కార్యదర్శి → MPDO/MC కు వెళుతుంది.
- 24 గంటల్లో హౌస్ హోల్డ్ మ్యాపింగ్ పూర్తవుతుంది.
హౌస్ మ్యాపింగ్ చేయకపోతే వచ్చే సమస్య
ఒక మహిళ పెళ్లి అయిన తర్వాత భర్త ఇంటికి హౌస్ హోల్డ్ మ్యాపింగ్ మార్చుకోలేదు. భర్త చనిపోయిన తర్వాత వితంతు పింఛన్‌కు దరఖాస్తు చేయగా, ఆమె ఇంకా కన్నవారి ఇంటి మ్యాపింగ్‌లో ఉన్నందున రెండు పింఛన్లు ఒకేసారి రావు అని తిరస్కరించబడింది. ఫలితంగా ఆమెకు రావాల్సిన పింఛన్ కోల్పోయింది.
అప్లికేషన్ ఫీజు
ఈ సర్వీస్ పూర్తిగా ఉచితం. ఎటువంటి ఫీజు లేదా చార్జీలు ఉండవు.
చివరగా…
వివాహం తర్వాత AP Household Mapping after Marriage తప్పనిసరిగా చేయాలి. లేకపోతే భవిష్యత్‌లో రేషన్, ఆరోగ్యశ్రీ, పింఛన్, పిల్లల పథకాలు పొందడంలో సమస్యలు వస్తాయి.
మీరు పెళ్లి అయిన తర్వాత ఈ ప్రాసెస్ చేయకపోతే వెంటనే మీ భర్త సచివాలయంలో అప్లికేషన్ ఇవ్వండి.